خاص بفنون جميلة عمارة

بمناسبة مشروع التشكيل و أسس التصميم قصقص و لا حرج !

اسلوب مش بالجديد و هو اسلوب الصدمة و بيتم اتباعه في أغلب اقسام العمارة في الكليات و الجديد هو اسلوب السحل و اتغير المصطلح الي اسلوب “الصدمة و السحل” و هو يلخص في الاتي :
1. لو انتا عمارة يا يبقي : النوم عيب و حرام !
2. كفاية عليك تشوف أهلك ساعة يومياً و لو مفيش يبقي احسن برده !
3. التضحية! : لازم تضحي بعمرك فدا المشاريع (الDesign طبعا !)
4. لو قلت ان عندك وقت فاضي ؟ دي فضيحة و ممكن تتاخد فيها علي طول و تتسحل !
5. و انتا نايم لازم حلم باللي هتسلمه بكرة ! ( اذا نمت اساسا!)
6. المواد النظري: هي مواد ضارة جدا بالصحة و اوعي تذاكرها لانها ملهاش وقت اساسا و ذلك بسبب استقرار العالم علي انها مواد محظورة و محرمة دوليا !
7. يا ليلتك اللي مش فايته لو حد شافك واخد “rest” شوية و لقاك بتعمل اسكتش للشغل بتاعك اللي بتجهزه, ببساطه: هينتشر في الدفعة خبر” طالب عمارة يقوم بالتجهيز لعمليات ارهابية و هي قنبلة للمشروع القادم” !
8. لو عندك اخوات متنساش تقصقصهم و تلفهم 180 درجة و تلزقهم تاني ! و ذلك لتحريك و اضارة ملكة الابداع! ( تشكيل و اسس تصميم) 
9. لما متلاقيش وقت و تبقي محتار تبدأ منين من كتر الحاجات اللي عليك, ببساطة اوعي تذاكر حاجة لانك ضايع ضايع !
10. لو معندكش عربية, ربنا يلطف بيك و باللي هتشوفه !
11. كل دكتور ملوش دعوة بالتاني, كل واحد فاكر ان وقتك كله مالك ليه (حقه صراحه, ما احنا فاضيين بقي)!  

كفاية كده النهارده (كانت ساعة تهييس و عدت بسلام) و لنا لقاء تاني ان شاء الله.
و اسيبكم مع صورة معبرة

ملاحظة: انا مالييش في السياسة ولا بحبها حتي! بس الصورة عجبتني

بس خلاص !